Прызналі «экстрэмісцкім» сайт адукацыйнай платформы «Васьміног»

Адпаведнае рашэнне было прынята судом Драгічынскага раёна 8 красавіка. Таксама «экстрэмісцкай» прызналі і фэйсбук-старонку платформы, піша «Вясна».

Праграма «Васьміног: адукацыя для беларускіх дзяцей сёння і заўтра» накіраваная на адукацыйныя праекты для беларускіх школьнікаў, стварэнне інавацыйнай навучальнай анлайн-платформы для транспамежнай беларускаарыентаванай адукацыі і працу некалькіх каманд даследчыкаў.

Таксама ў «Спіс экстрэмісцкіх матэрыялаў» трапілі:

• тэлеграм-канал Mengele conf;
• старонка ў інстаграме tatiana.04.04_fotograf;
• сацсеткі медыя adu.placе;
• старонка ва «Укантакце» Bielaruski Nastup;
• фэйсбук-старонкі BGmedia, Belarus News Headlines;
• тыкток-старонкі belarusupdatehub, svaboda_news, «Сябр», dorogavaad, volnaya.belarus, Lizaveta.

Каментары да артыкула