Павук паехаў да расійскага пасольства ў Вільні. Там у яго сцягнулі веласіпед і пачаліся разборкі
Блогер Андрэй Павук прыйшоў да расійскага пасольства ў Вільні, каб спытаць у яго супрацоўнікаў пра сённяшні абстрэл Сумаў. Але дыялогу не атрымалася.
Андрэй Павук. Скрын са стрыму
Блогер правёў стрым з раёна ля расійскага пасольства ў Вільні. Ён пакінуў свой веласіпед недалёка ад пасольства і падышоў бліжэй да будынка, спрабуючы пагутарыць з кімсьці з расіян. Тым часам незнаёмы мужчына — як пазней высветлілася, рускамоўны — сцягнуў веласіпед Павука. Пазней ён жа вярнуўся да Андрэя, пачаў яго агрэсіўна штурхаць і патрабаваць прыбраць тэлефон.
Падышлі іншыя рускамоўныя — верагодна, гэта супрацоўнікі пасольства. Яны пачалі здымаць Павука на тэлефон, казаць, што на тэрыторыі пасольства здымаць забаронена.
На месца прыехала літоўская паліцыя і пачала разбіральніцтва. Як расказаў Павук «Нашай Ніве», скончылася тым, што ён напісаў заяву аб выкраданні веласіпеда і агрэсіўных дзеяннях супрацоўніка пасольства. Веласіпед блогеру, дарэчы, вярнулі.
«Раней па Навальным прыходзілі [да пасольства] кучамі, цяпер стаміліся і не прыходзяць. Калі б прыходзілі па кожнай падзеі, яны б тут не радаваліся б, не забаўляліся б. Мусіць жа нехта іх выхоўваць, ім паказваць, што такое добра і што такое дрэнна», — разважае Павук.
Чытайце таксама:
Чыноўніца Гомельскага аблвыканкама ў размове з блогерам прызналася ў палітычных чыстках
Андрэй Павук абвінавачвае сваю былую дзяўчыну, што тая скрала яго камеру