СПА Беларусі з пачатку года знішчыла 18 беспілотнікаў
Факты падзення дронаў мясцовыя ўлады звычайна замоўчвалі.
Ілюстрацыйнае фота
СПА Беларусі з пачатку года знішчыла 18 беспілотнікаў самалётнага тыпу. Пра гэта заявіў камандуючы ваенна-паветранымі сіламі і войскамі супрацьпаветранай абароны Андрэй Лук'яновіч у эфіры СТБ.
«Мы зафіксавалі 128 парушэнняў дзяржаўнай мяжы ў паветранай прасторы. У нас баявое прымяненне [было] 23 разы: нашы дзяжурныя сілы знішчылі 18 беспілотных лятальных апаратаў самалётнага тыпу», — сказаў Лук'яновіч.