Пад Магілёвам ад ветрака адарвалася лопасць і выклікала пажар у лесе
Тэлеграм-канал «Лесные новости Могилевщины» паведаміў, што 16 красавіка ў Магілёўскім лясніцтве моцны парыў ветру разбурыў канструкцыю ветрагенератарнай устаноўкі, што мела сур'ёзныя наступствы.
Частка адарванай лопасці ўпала на лінію электраперадач, а гэта, у сваю чаргу, выклікала ўзгаранне на лясной тэрыторыі.
Праўда, супрацоўнікі лесапажарнай каманды Магілёўскага лясгаса прыбылі на месца ўзгарання аператыўна і хутка ліквідавалі пажар.