У Магілёве гарэў склад на аграпрадпрыемстве
Як расказалі ў МНС, паведамленне пра пажар паступіла ў МНС у 16:49 ад работнікаў прадпрыемства. Гарэла складское памяшканне, дзе захоўваліся драўляныя паддоны і прэсаваны кардон.
Фота: МНС
Пажар быў лакалізаваны і ліквідаваны. У выніку здарэння часткова пашкоджаная маёмасць унутры склада, металічная абшыўка сценаў і даху будынка.
На шчасце, абышлося без пацярпелых. Спецыялісты высвятляюць дакладную прычыну ўзгарання.