Беларусы ўжо збіраюць грыбы кошыкамі
Грыбы рэзка пайшлі ў рост за тыдзень добрага надвор'я.
Фота тут і далей: Грибы: Грибные войска Беларуси / VK
Некаторыя беларусы ўжо адкрылі грыбны сезон. Галоўная мэта грыбнікоў вясной — смаржкі і страчкі, піша «Точка».
Яны рэзка пайшлі ў рост за тыдзень добрага надвор'я, якое нарэшце парадавала цяплом пасля замаразкаў.
Хоць некаторыя і адзначаюць, што ў лясах усё ж такі суха і грыбоў менш, чым летась, гэта не перашкаджае збіраць цэлыя кошыкі.
«Уловам» у сацсетках дзеляцца жыхары Бабруйска, Брэста, Кобрына, Рэчыцы, Гродна, Свіслачы.