У Мінску адкрыўся японскі сад ФОТЫ
У мінулыя амаль летнія выходныя мінчукі паспяшаліся ў Батанічны сад, каб паспець убачыць сакуру. Аднак іх чакала яшчэ адна прыемная нечаканасць: на тэрыторыі сада ўжо даступны для наведвання сапраўдны японскі сад, піша Onliner.
Будоўля японскага сада пачалася ў 2022 годзе. Зараз тут ёсць вымашчаныя каменем сцежкі для няспешных прагулак, унікальныя расліны, месцы для іх назірання, будысцкія статуі, сажалка (без жывых карпаў, на жаль) і пабудаванае ў традыцыйным паўднёваазіяцкім стылі невялікае збудаванне.
Пакуль што яно закрыта, але, як паведамляецца, у хуткім часе ўнутры будуць праводзіцца чайныя цырымоніі. Так што даставайце з шафы кімано і наперад фатаграфавацца — лакацыя даступная для ўсіх наведвальнікаў Батанічнага сада.