Аргенціна абвесціць тыдзень жалобы па памерлым Папе
Улады Аргенціны абвесцяць тыдзень жалобы ў сувязі са смерцю Папы Францішка, які родам з Буэнас-Айрэса, заявіў прадстаўнік прэзідэнта краіны Мануэль Адорні ў сацсетцы X.
Папа Францішак. Фота: Andrew Medichini / AP
«Пайшоў з жыцця папа Францішак Хорхе Берголья. Духоўны лідар і настаўнік мільёнаў мужчын і жанчын. Прэзідэнт краіны (Хаўер Мілей) абвесціць сямідзённую жалобу ў сувязі са смерцю святога айца», — напісаў Адорні.
Сёння таксама ў сувязі са смерцю Папы Францішка адмененыя матчы футбольнай Серыі А.
Чытайце таксама:
Напярэдадні Папа Францішак сустракаўся з віцэ-прэзідэнтам ЗША Вэнсам
Папа Францішак: лацінаамерыканец, які мяняў Ватыкан і Каталіцкі Касцёл