Лукашэнка забараніў юрасобам прадаваць беспілотнікі без узгаднення з дзяржаўнымі органамі
Новы ўказ таксама спрашчае ўвоз у Беларусь беспілотнікаў для сілавікоў.
Ілюстрацыйнае фота: міліцыя Гомеля
Аляксандр Лукашэнка падпісаў новы ўказ па цывільных беспілотніках і авіямадэлях. Дакумент спрашчае ўвоз у Беларусь дронаў для сілавікоў і арміі.
Акрамя таго, індывідуальныя прадпрымальнікі і юрыдычныя асобы цяпер павінны будуць пытацца дазволу ў дзяржорганаў, калі захочуць прадаць беспілотнік.
Нагадаем, у 2023 годзе Лукашэнка забараніў фізічным асобам увозіць у Беларусь, купляць і прадаваць, захоўваць і выкарыстоўваць беспілотнікі. Іх абавязалі прадаць дроны юрыдычным асобам і прадпрымальнікам, альбо перадаць іх на захоўванне дзяржаве.