У Валожыне загінуў кіроўца мапеда
32-гадовы кіроўца мапеда загінуў у ДТЗ у Валожыне, паведамляе УУС Мінскага аблвыканкама.
Трагедыя адбылася 26 красавіка каля 7-й гадзіны раніцы паблізу жылога дома на вуліцы Чапаева.
18-гадовы мясцовы кіроўца аўтамабіля Peugeot пры абгоне на закругленні дарогі выехаў на сустрэчную паласу і сутыкнуўся з мапедам VMC пад кіраваннем 32-гадовага валожынца.
У выніку аварыі мапедыст памёр на месцы. Кіроўцу легкавіка пасля аказання медыцынскай дапамогі адпусцілі.