Ноччу ў Беларусі былі моцныя замаразкі
Самым марозным месцам у краіне стала Брэсцкая вобласць, а на ўсходзе Беларусі выпаў снег.
Самыя моцныя замаразкі былі адзначаны на Брэстчыне. На метэастанцыі Палеская тэмпература паветра апусцілася да -4,1°С а на глебе (на вышыні 2 см) да -10°С, піша канал @meteovibe.
А на ўсходзе Беларусі, у горадзе Мсціслаў, ноччу нават утварылася часовае снежнае покрыва вышынёй 1 см. Снег выпадаў уначы таксама ў Віцебску.
Сёння ноччу таксама чакаюцца замаразкі.