Рубіа: Наступны тыдзень стане крытычным для дасягнення міру ва Украіне
Дзяржаўны сакратар ЗША Марка Рубіа лічыць, што надышоў час засяродзіцца на пытаннях, якія важнейшыя за вайну ва Украіне.
Марка Рубіа ў эфіры NBC News. Скрыншот відэа
Пра гэта ён заявіў у інтэрв'ю NBC News.
«Я лічу, што гэты тыдзень будзе вельмі крытычным, ён будзе сапраўды важным, і нам давядзецца прыняць рашэнне: ці працягваць нам удзельнічаць у гэтым працэсе, ці ўжо надышоў час засяродзіцца на іншых пытаннях, якія ў некаторых выпадках настолькі ж важныя, калі не больш важныя. Але мы хочам, каб гэта адбылося. Ёсць прычыны для аптымізму, але ёсць і прычыны заставацца рэалістамі. Мы блізка, але ўсё яшчэ недастаткова блізка. Тым не менш, мы хочам, каб гэта адбылося», — адзначыў Рубіа.