Трамп апублікаваў згенераванае ФОТА сябе ў ролі Папы
Ужо не першы яго жарт на гэту тэму.
Прэзідэнт ЗША Дональд Трамп апублікаваў выяву, на якой ён з'явіўся ў вобразе Папы.
Здымак з'явіўся ў яго сацыяльнай сетцы Truth Social.
На малюнку, створаным з дапамогай штучнага інтэлекту, Трамп сядзіць на пазалочаным крэсле ў адзенні Папы. Подпісу пад фота няма.
У канцы красавіка Трамп заявіў, што ў яго няма пераваг па кандыдатах на пасаду пантыфіка. І жартам дадаў, што сам гатовы стаць новым Папам.