Генконсульства Беларусі з'явіцца ў Алматы
Яно павінна запрацаваць да канца года.
Алматы. Фота polakogruzin.pl
Адпаведная пастанова Савета Міністраў ад 2 мая 2025 года №247 апублікаваная на Нацыянальным прававым інтэрнэт-партале.
З дакумента вынікае, што генеральнае консульства Беларусі ў горадзе Алматы ў Казахстане неабходна адкрыць да канца гэтага года.
Пасольства Беларусі ў Казахстане знаходзіцца ў сталіцы, у Астане. Цяперашні пасол — былы міністр гандлю Аляксей Багданаў.
У азіяцкіх краінах у Беларусі пакуль ёсць толькі тры генеральныя консульствы — у кітайскіх Шанхаі і Гуанчжоу, а таксама ў Стамбуле.