Турчын адправіўся ў Азербайджан
Беларуская ўрадавая дэлегацыя на чале з прэм'ер-міністрам вылецела ў Азербайджан, паведамляе прэс-служба ўрада.
Аляксандр Турчын. Фота: БелТА
Аляксандр Турчын правядзе перамовы з прэзідэнтам Азербайджана Ільхамам Аліевым і прэм’ер-міністрам Алі Асадавым. Чакаецца падпісанне шэрагу двухбаковых дакументаў.
Дэлегацыя наведае «шэраг аб’ектаў на тэрыторыях, якія Азербайджан аднаўляе пасля баявых дзеянняў», размова, напэўна, ідзе пра Нагорны Карабах.