Мінулай ноччу ў Беларусі перапісана восем рэкордаў холаду
Восем тэмпературных антырэкордаў зафіксавана мінулай ноччу на беларускіх метэастанцыях, сведчыць праведзены «Позіркам» параўнальны аналіз аператыўных і архіўных даных Белгідрамета.
Здымак ілюстрацыйны. Фота: freepik.com
Халадней за ўсё было ў Бабруйску — 4,5 градуса марозу. Тут перакрыты гістарычны мінімум ночы і ўсяго месяца (-4 градусы 6 мая 1999 года).
У Мінску ранейшы антырэкорд ночы пратрымаўся два гады (-3,8 супраць -3,5 у 2023 годзе).
З 7 па 9 мая Белгідрамет зноў прагназуе замаразкі да -5. Днём будзе не вышэй за 13-15 градусаў цяпла. Ноччу 9 мая магчымы мокры снег.
Чытайце таксама:
Сіноптыкі папярэдзілі пра замаразкі да мінус пяці градусаў
Ці ўключаць у Беларусі ацяпленне з-за халоднага надвор'я, адказалі ў ЖЭУ
«Будуць каштаваць як крыло самалёта». Беларусы паказалі, як ратуюць ягады і гародніну ад замаразкаў