Беларускі дальнабойшчык у Аўстрыі атрымаў траўмы пры напампоўванні кола
У аўстрыйскай зямлі Ціроль шына грузавіка, якая выбухнула, траўмавала 59-гадовага беларуса. Пра гэта паведамляе мясцовая паліцыя, піша сайт «Беларусь и мир».
Фота ілюстрацыйнае
Інцыдэнт адбыўся 8 мая каля 09:20 раніцы на паркоўцы каля аўтабана Брэнер побач з муніцыпалітэтам Паўш. Беларус напампоўваў тут кола сваёй фуры.
Па невядомых пакуль прычынах шына раптам лопнула і нанесла мужчыну траўмы нявызначанай ступені цяжкасці.
Відавочца пачуў гук кола, якое трэснула, пабачыў чалавека, які ляжаў на зямлі, і патэлефанаваў у экстранныя службы.
Пацярпелага даставілі на машыне хуткай дапамогі ў бальніцу горада Інсбрук.
Чытайце таксама:
У Францыі беларуса-дальнабойшчыка знайшлі мёртвым у яго машыне
Польскія памежнікі затрымалі беларускага дальнабойшчыка
У беларускага дальнабойшчыка ў Польшчы канфіскавалі больш за 7 мільёнаў цыгарэт
Беларускі дальнабойшчык двойчы спрабаваў даць хабар польскім паліцэйскім. Яму пагражае да 10 гадоў