У Смалявіцкім раёне дзіця выпала з пятага паверха
Дактары змагаюцца за яго жыццё.
Фота: СК
10 мая ў вёсцы Зарэчча пяцігадовы хлопчык выпаў з акна кватэры, што знаходзіцца на пятым паверсе. Дзіця з цяжкімі траўмамі дастаўлена ў бальніцу, дзе дактары змагаюцца за ягонае жыцц, паведамляе Следчы камітэт.
Следчыя ўстанавілі, што ў той дзень хлопчык знаходзіўся пад наглядам бабулі. Паводле папярэдняй інфармацыі, жанчына адлучылася з дому на некалькі хвілін, пакінуўшы ўнука аднаго ў кватэры.
Вядома, што бацькі дзіцяці не займаюцца яго выхаваннем і злоўжываюць спіртнымі напоямі. З трохмесячнага ўзросту за хлопчыкам даглядае бабуля.