Беларусь экстрадавала ў Расію ўдзельніка злачыннай банды «Іфы-Казлова»
Беларусь экстрадавала ў Расію ўдзельніка расійскай злачыннай банды «Іфы-Казлова». Падрабязнасці паведамілі ў прэс-службе Генеральнай пракуратуры.
Фота ілюстрацыйнае
У паведамленні сказана, што Генпракуратура Беларусі задаволіла запыт Генпракуратуры Расіі, звязаны з выдачай для прыцягнення да крымінальнай адказнасці аднаго з удзельнікаў групоўкі «Іфы-Казлова».
Адзначаецца, што асобе, якая падлягае выдачы, у Расіі інкрымінавана здзяйсненне цяжкіх злачынстваў: бандытызм, забойства, захоп закладнікаў, удзел у злачыннай арганізацыі.
У Генеральнай пракуратуры адзначылі, што крымінальная групоўка была створана ў 1995 годзе ў расійскай Варкуце. Яна дзейнічала да 1 сакавіка 2012 года.
Фігурант з 2012 года быў у вышуку, у тым ліку міжнародным. Ён хаваўся ад сілавікоў, аднак у студзені 2025 года быў затрыманы на тэрыторыі Беларусі.
«Па даручэнні Генеральнай пракуратуры адзначаная асоба перададзеная Дэпартаментам выканання пакаранняў МУС канвою расійскага боку», — адзначылі ў прэс-службе.
Чытайце таксама:
Затрыманыя ўдзельнікі схемы «Алё, мама!», у тым ліку непаўналетні
Жанчыну ў ЗША, што знікла 62 гады таму, знайшлі жывой
Падлетак з Пухавічаў стварыў злачынную групу і вымагаў грошы