Тры беларускія дызайнеркі паказалі калекцыі на прэстыжным паказе ў Брусэлі ФОТЫ
У Брусэлі адбыўся модны паказ East Bound, у якім узялі ўдзел і беларускія дызайнеркі: KANVA, Таша Кацуба і Кацярына Несцяровіч. Менавіта яны былі адказныя за рэпрэзентацыю беларускай моды на прэстыжнай еўрапейскай пляцоўцы.
Дызайнеркі KANVA, Таша Кацуба і Кацярына Несцяровіч
Мерапрыемства East Bound, прымеркаванае да старшынства Польшчы ў Радзе ЕС, сабрала шматлікіх прадстаўнікоў еўрапейскага свету моды, бізнэсу і культуры. Разам з польскімі і ўкраінскімі дызайнеркамі беларускі прадстаўлялі там усходнееўрапейскі погляд на стыль.
У межах шоу гледачы пабачылі аксесуары, створаныя Настассяй Васючэнка (Kanva), у тым ліку фірмовыя павукі і саламяныя аксесуары.
Скрыншот: інстаграм: @kanva_kasciume
Адзін з аксесуараў — карона — міксаваўся з вытанчаным адзеннем у стылі вінтаж, пашытым Кацярынай Несцяровіч (Froufrouandloukoum).
Фота: тэлеграм-канал «Гарпій базар»
Калекцыя Кацярыны Несцяровіч, брэнд Froufrouandloukoum. Фота: gov.pl
Творчасць Кацярыны сёння, сярод іншага — форма пратэсту супраць сусветных падзей, панаванне прыгажосці над жахлівай рэальнасцю.
Таксама на мадэлях можна было пабачыць элегантныя галаўныя ўборы, створаныя яшчэ адной беларускай майстрыцай — Валянцінай Плыткевіч (брэнд ValiumHats).
Фота: тэлеграм-канал «Гарпій базар»
На подыуме былі прэзентаваныя і працы-выказванні мадэльеркі з Палесся Ташы Кацубы. Дызайнерка працуе на стыку моды і мастацтва. Яе калекцыя таксама стала каментаром на бягучыя падзеі ва Усходняй Еўропе.
Фота: тэлеграм-канал «Гарпій базар»
Чытайце таксама:
Ідэя на падарунак — падборка стылёвых аксесуараў з беларускім каларытам
Топ небанальных падарункаў на любую нагоду ад беларускіх майстроў
Як камбінаваць рэчы з нацыянальнымі матывамі з сучаснымі? Ідэі ад модных беларусак і беларусаў