У Беларусі плануюць увесці аплатны водпуск для бацькі пры нараджэнні дзіцяці
У дэкрэт і цяпер можа выходзіць як маці, так і бацька, аднак чыноўнікі разглядаюць дадатковы варыянт заахвочваць мужчын.
З 2020 года ў Працоўным кодэксе Беларусі з'явіўся новы від сацыяльнага адпачынку — кароткачасовы адпачынак для бацькі пры нараджэнні дзіцяці. Яго можна ўзяць у першыя шэсць месяцаў з дня нараджэння дзіця. Яго аплачваюць па жаданні наймальніка.
Міністр працы і сацыяльнай абароны Наталля Паўлючэнка расказала БелТА, што запатрабаванасць водпуску сярод мужчын, якія маюць на яго права, значна вышэйшая ў арганізацыях, дзе адпачынак аплачваецца.
«Цяпер, працуючы над зменамі ў Працоўным кодэксе, мы абмяркоўваем з наймальнікамі прапанову ўсталяваць аплатны адпачынак для бацькоў на парытэтнай аснове — за кошт наймальніка і сродкаў сацыяльнага страхавання», — падкрэсліла міністр.