У расійскай Карэліі загінуў беларус на мікрааўтобусе
17 мая ў Карэліі адбылося ДТЗ з удзелам мікрааўтобуса з беларускімі нумарамі.
У Лоухскім раёне Карэліі, прыкладна за 5 кіламетраў ад пасёлка Кестэньга, мікрааўтобус Iveco з’ехаў з дарогі ў кювет і перакуліўся.
Кіроўца, які, паводле папярэдняй інфармацыі, быў грамадзянінам Беларусі, загінуў на месцы.
Прычыны аварыі высвятляюцца.