У Мінску кіроўца збіў на пераходзе сямігадовага хлопчыка на самакаце
Здарэнне адбылося ў аўторак у «Мінск-Свет» каля 18:10, паведамляе ДАІ.
Аўтамабіль рухаўся па вуліцы Бялградскай і пры павароце налева на вул. Ніколы Тэслы не саступіў дарогу школьніку, які перасякаў пешаходны пераход на самакаце.
Высветлілася, што хлопчык пачаў рух праз дарогу на мігаючы зялёны сігнал святлафора і не спыніўся на востраве бяспекі. Аўтамабіль зачапіў школьніка бортам.
Пасля сутыкнення хлопчык здолеў падняцца на ногі. Дзіця даставілі ў бальніцу для абследавання.