Сёння раніцай нейкі час нельга будзе купіць электронныя квіткі на цягнікі
Сёння, 21 мая, з 09:45 да 12:00 нельга будзе набыць электронныя білеты на цягнікі. Абмежаванне звязана з планавымі тэхнічнымі працамі, папярэдзіла прэс-служба Беларускай чыгункі.
У гэты прамежак часу таксама будзе недаступная магчымасць вяртання электронных білетаў як на сайце БЧ, так і ў мабільным дадатку «БЧ. Мой поезд».
Прадстаўнікі перавозчыка ўдакладнілі, што для набыцця і вяртання праязных дакументаў неабходна звяртацца ў білетныя касы Беларускай чыгункі.
У цягнікі з ненумараванымі месцамі білеты можна аформіць таксама ў тэрміналах самаабслугоўвання.