У Расіі мама папрасіла знаёмага ўтапіць сваю 12-гадовую дачку, бо тая кепска сябе паводзіла
Зусім вар’яцкая гісторыя здарылася ў пасёлку Ізмайлаўскім Чалябінскай вобласці, піша Shot.
Рака Вялікая Караганка
46-гадовая мясцовая жыхарка запрасіла ў госці 36-гадовага знаёмага і, заявіўшы яму, што стамілася ад дрэнных паводзін сваёй 12-гадовай дачкі, папрасіла за 100 тысяч расійскіх рублёў (1250 даляраў) утапіць дзяўчынку ў мясцовай рацэ Вялікая Караганка.
Мужчына, шакаваны такой просьбай, схаваў чацвёракласніцу ў сябе дома і ўсё распавёў паліцыі.
Маці затрымалі, на яе завялі крымінальную справу. За падбурхторванне да забойства малалетняй жанчыне пагражае да 15 гадоў калоніі.