10-гадовая дзяўчынка сур'ёзна траўмаваная ў ДТЗ пад Ваўкавыскам
22 мая 26-гадовы кіроўца на MAN, рухаючыся па вуліцы 17 Верасня ў Краснасельскім, здзейсніў наезд на дзяўчынку, якая перабягала дарогу па-за межамі пешаходнага пераходу, паведамляе СК.
У выніку ДТЗ школьніца атрымала цяжкія цялесныя пашкоджанні, кіроўца не пацярпеў. Мужчына патлумачыў, што не заўважыў дзіця, якое выбегла з-за сустрэчнага аўтамабіля.
Дзяўчынка знаходзіцца ў бальніцы, яе стан ацэньваецца як цяжкі.