Мядзведзеў марыць ператварыць у буферную зону ўсю Украіну
Палітык апублікаваў адпаведную карту.
Скрыншот карты, якую апублікаваў Дзмітрый Мядзведзеў
Намеснік старшыні Рады бяспекі Расіі Дзмітрый Мядзведзеў вырашыў прыпугнуць Украіну і яе хаўруснікаў.
У твітары Мядзведзеў апублікаваў відэа, дзе амаль уся тэрыторыя Украіны пазначаная як «буферная зона».
«Калі вайсковая дапамога бандэраўскаму рэжыму працягнецца, буферная зона можа выглядаць так», — падпісаў ён відэа.
Нагадаем, 22 траўня Уладзімір Пуцін на аператыўнай нарадзе з членамі ўрада паведаміў, што прыняў рашэнне аб стварэнні «буфернай зоны бяспекі» ўздоўж мяжы Расіі і Украіны.