У Беларусі дабудавалі самы высокі ў краіне панэльны дом. І знаходзіцца ён не ў Мінску
Дом знаходзіцца ў Гомелі і мае 24 паверхі, піша Blizko.by.
У маі 2023 года Гомельскі домабудаўнічы камбінат пачаў узводзіць у Гомелі першы з трох панэльных дамоў у 18-м мікрараёне на вуліцы Мазурава.
У абласной прэсе дом інакш як хмарачосам і не называюць. Таму што ён 24-павярховы. У ім будзе 184 кватэры: 1-пакаёвыя плошчай ад 46 квадратных метраў, 2-пакаёвыя ад 49 «квадратаў» і 3-пакаёвыя ад 83 кв.м.
Праект прэзентавалі ў 2021 годзе, і тады дом быў у плане авальным. Год пазней прадставілі абноўлены праект: цяпер ён стаў больш звыклым прамавугольным. Дом павінны былі здаць 29 студзеня 2025 года, але тэрміны некалькі разоў пераносілі. І вось учора дом здалі.
Побач будуюцца яшчэ два такія дамы.