Шматгадовая гегемонія аднаго клуба скончылася і ў гандболе
Мінскаму СКА ўдалося перамагчы гандбольны клуб «Мяшкоў Брэст» і перарваць шматгадовае дамінаванне апошняга ў чэмпіянаце Беларусі. У пятым, вырашальным матчы залатой серыі армейцы абыгралі супернікаў на іх пляцоўцы — 29:27.
Раней каманды абменьваліся перамогамі ў сваіх хатніх гульнях, і да гэтага мінская каманда два гады не магла выйграць «класічны» матч. Але сёлета маладая каманда Дзмітрыя Нікуленкава згуляла так выдатна, што ўсё ж такі забрала ў берасцейцаў тытул.
Увогуле гэта 11-ы чэмпіёнскі тытул у гісторыі мінскага СКА, але апошні раз гэты клуб перамагаў у 2002 годзе. Пачынаючы ж з 2013 года нязменным чэмпіёнам быў «Мяшкоў Брэст».
Так супала, што ў гэты самы дзень завяршылася таксама шматгадовая гегемонія ў мужчынскім баскетболе — каманда «Мінск» страціла тытул на карысць «Гродна-93», які таксама перамог у пятым матчы серыі.
Чытайце таксама:
Упершыню з 2008 года змяніўся чэмпіён Беларусі па баскетболе
Сябар маладосці Лукашэнкі застаўся кіраўніком федэрацыі гандбола. Ён кіруе з 2006 года