Двухгадовае дзіця выпіла вадкасць для зняцця лаку і трапіла ў бальніцу
У вёсцы Тарасава Мінскага раёна вечарам 31 мая шматдзетны бацька на кароткі час пакінуў двухгадовага сына аднаго ў ванным пакоі, піша Mlyn.by.
Пасля вяртання мужчына заўважыў адкрыты флакон з вадкасцю для зняцця лаку ў руках у дзіцяці. Ён адразу ж выклікаў хуткую дапамогу.
Малога шпіталізавалі з папярэднім дыягназам: хімічны апёк слізістай нёба, языка, вуснаў, а таксама з падазрэннем на апёк стрававода. Цяпер здароўю дзіцяці нічога не пагражае.