У Мазырскім раёне адбылася ўцечка з нафтаправода «Дружба»
Поблізу вёскі Акулінка ў Мазырскім раёне адбылася аварыя на магістральным нафтаправодзе Мазыр — Брэст, які належыць ААТ «Гомельтранснафта «Дружба». У выніку здарэння адбылося выцяканне нафтапрадуктаў, паведамляе прэс-служба Мінпрыроды.
На месца інцыдэнту паехалі прадстаўнікі раённай інспекцыі прыродных рэсурсаў, Мазырскага раённага аддзела МНС, Праматамнагляду, санітарнай службы і райвыканкама.
Прычыны аварыі пакуль удакладняюцца. Інцыдэнт лакалізаваны, трапляння нафтапрадуктаў у вадаёмы, як паведамляецца, не зафіксавана.
Аварыйная служба прадпрыемства праводзіць аднаўленчыя работы і адпампоўванне нафтапрадуктаў. Для вызначэння маштабаў і ступені забруджвання глебы прыцягнута аналітычная лабараторыя.
Таксама ініцыяванае пасяджэнне камісіі па надзвычайных сітуацыях у Мазырскім райвыканкаме, каб выпрацаваць дадатковыя меры па ліквідацыі наступстваў аварыі.
Чытайце таксама:
Беларусь абнуліла вывазныя мыты на нафтапрадукты
Стварэнне агульнага рынку нафтапрадуктаў Беларусі і Расіі перанеслі на год