У Барысаве пенсіянер выкінуў бутэльку з акна і патрапіў па галаве падлетку. Цяпер яго будуць судзіць
Супраць 88-гадовага мужчыны распачалі крымінальную справу, піша прэс-служба міліцыі Мінскай вобласці.
Ілюстрацыйны здымак
Здарэнне адбылося 1 чэрвеня на вуліцы Нармандыі-Нёман у Барысаве.
Пенсіянер выпіваў алкаголь і адну з пустых шкляных бутэлек выкінуў з трэцяга паверха праз акно. Яна патрапіла па галаве 13-гадоваму падлетку, той атрымаў траўму.
Следчы камітэт распачаў супраць мужчыны крымінальную справу аб хуліганстве.