На выставе «Белагра» перамог Прыгожын
На міжнароднай сельскагаспадарчай выставе правялі конкурс на найлепшага племяннога жарабца.
Фота: «Мінская праўда»
Жарабец па мянушцы Прыгожын з «Палескай нівы» на Століншчыне выйграў конкурс на найлепшага племяннога жарабца на міжнароднай выставе «Белагра-2025».
Прыгожын — гэта жарабец беларускай запражной пароды, яму шэсць гадоў. Прырода такой незвычайнай для беларускага каня мянушкі невядомая. Пераможца вылучыўся выдатнымі пароднымі якасцямі, экстэр'ерам і спадчыннымі характарыстыкамі, піша «МП».
Прыгожын. Фота: expoconf.online
Дарэчы, тытул «Найлепшая племянная кабыла» заваявала таксама кабыла з незвычайнай мянушкай — Казань з саўгаса «Лідскі». Беларускай запражной пароды, народжаная ў 2020 годзе, яна прадэманстравала не толькі выдатны экстэр'ер, але і высокі рэпрадуктыўны патэнцыял.
Фота: «Мінская праўда»
У намінацыі «Найлепшы племянны маладняк» перамог жарэбчык Кумір, сусед Казані па саўгасе. Яго назвалі сімвалам будучай айчыннага конегадоўлі.