Падчас візіту Патрыярха Кірыла на мінскай Нямізе паралізавала рух ВІДЭА
Чырвонае святло святлафора было адразу для ўсіх кірункаў руху транспарту, заўважылі чытачы тэлеграм-каналу «Мінск. Галоўнае».
Скрыншот з відэа: «Мінск. Галоўнае»
Па відэа, якое даслалі каналу чытачы, бачна, што па аўтадарозе ніхто не рухаецца. Усе машыны стаяць.
Толькі пешаходы вольна ходзяць па тратуары.
4 чэрвеня Мінск наведвае Патрыярх Кірыл. Па плане ён павінен правесці набажэнствы ў Свята-Духаўскім кафедральным саборы горада і ў Крыжа-Узвіжанскім саборы Спаса-Еўфрасіннеўскага мітрапалічага манастыра горада Полацка.