223 населеныя пункты адключаліся ад электраэнергіі праз непагадзь
За перыяд непагадзі з учорашняга дня ад электразабеспячэння адключаліся 223 населеныя пункты. У аднаўленчых працах былі задзейнічаны больш за 120 энергетыкаў у ліку аварыйных брыгад, што працуюць на месцах інцыдэнтаў, паведамляе Мінскэнерга.
Фота: Мінскэнерга
Па стане на 8:00 раніцы работы працягваюцца ў 25 населеных пунктах.
Энергетыкі працуюць над аднаўленнем электразабеспячэння, ужываючы ўсе неабходныя рэсурсы і тэхналогіі для мінімізацыі часу адключэнняў.
Па прагнозах Белгідрамета, складанае надвор’е будзе захоўвацца і на працягу сённяшняга дня.
«У выпадку выяўлення абарваных правадоў ліній электраперадачы — не падыходзьце да іх бліжэй за 8 метраў і неадкладна паведамляйце пра гэтыя факты. Кароткі нумар аварыйных службаў — 115 і 144», — заклікаюць у «Мінскэнерга»..
Чытайце таксама:
Льдзінкі памерам з чарэшню, а то і вішню. Учора ў Мінску выпаў першы летні град