Трохгадовы хлопчык выпаў з другога паверха ў Гродзенскім раёне
Здарэнне адбылося вечарам у чацвер, паведамляе Следчы камітэт.
Фота: СК
Трохгадовы хлопчык залез на падваконнік. Акно ў пакоі было адкрыта, абапёршыся на маскітную сетку, хлопчык упаў з вышыні другога паверха.
Зараз дзіця знаходзіцца ў бальніцы, яго жыццю і здароўю нічога не пагражае.
Малы знаходзіўся ў кватэры разам з роднымі, аднак на кароткі прамежак часу застаўся без нагляду.