З 1 ліпеня некаторыя тавары на касах самаабслугоўвання трэба будзе аплачваць па-новаму
З 1 ліпеня 2025 года на касах самаабслугоўвання стане абавязковым счытванне кодаў маркіроўкі для пэўных тавараў. Пра гэта паведамілі ў Міністэрстве па падатках і зборах, піша БелТА.
Фота: гандлёвая сетка «Суседзі»
Як растлумачылі ў ведамстве, у межах Еўразійскага эканамічнага саюза ўводзіцца маркіроўка тавараў спецыяльнымі сродкамі ідэнтыфікацыі — каб абмежаваць незаконны гандаль і абараніць пакупнікоў ад падробак і няякаснай прадукцыі.
Для гэтага выкарыстоўваецца двухмерны код Data Matrix, падобны да QR-кода. У Беларусі ім ужо маркіруюцца такія тавары, як малочная прадукцыя, вада, сокі, алей, піва, БАДы, кансервацыя, а таксама некаторыя прамысловыя тавары — абутак, парфума, шыны і іншыя.
Пачынаючы з ліпеня, на ўсіх касах, у тым ліку самаабслугоўвання, будзе неабходна сканаваць гэты код, а таксама звычайны штрых-код (GTIN). У некаторых мадэлях касавага абсталявання GTIN можа аўтаматычна атрымлівацца з кода маркіроўкі, таму ягонае асобнае счытванне не патрабуецца.
Купцам не трэба самастойна ведаць, якія тавары трапляюць пад маркіроўку — каса сама паведаміць, калі сканаванне спатрэбіцца. Калі ўзнікнуць цяжкасці, можна звярнуцца да кансультанта або прайсці праз звычайную касу, дзе ўсе дзеянні выканае касір.
Чытайце таксама:
Гамяльчук прабіваў на касе бульбу, а забіраў дарагі каньяк
Касы самаабслугоўвання патрабуюць беларусаў сканаваць адразу два коды. Што адбываецца?
Ці ведаеце вы, у якіх крамах можна выбраць беларускую мову на касе самаабслугоўвання?