Велападарожнік з Пінска паехаў у Смаленскую вобласць — і ў яго там скралі веласіпед
Дзмітрый Ленкавец раней аб'ездзіў усю Беларусь.
Дзмітрый Ленкавец. Фота: ldd.by
Падарожнік і фатограф з Пінска Дзмітрый Ленкавец вядомы тым, што аб'язджае на веласіпедзе славутасці Беларусі. Так ён наведаў усе 118 раёнаў краіны.
З 2024 года Дзмітрый стаў падарожнічаць на веласіпедзе і па Расіі. Была вандроўка з Пінска ў Санкт-Пецярбург.
На гэтым тыдні Дзмітрый адправіўся ў падарожжа па Смаленскай вобласці Расіі.
Мяркуючы па фота ў сацсетках, калі ён быў у Вязьме, у яго скралі веласіпед. На ім ён вазіў усе неабходныя для падарожжа рэчы.