У Магілёве проста падчас руху загарэўся трыцыкл
Здарэнне адбылося ўвечары 8 чэрвеня ў двары жылога дома на вуліцы Грышына ў Магілёве, паведамляе МНС.
Ратавальнікі выявілі электрычны трыцыкл, што гарэў адкрытым полымем. Агонь цалкам знішчыў транспартны сродак, на шчасце, абышлося без пацярпелых.
Прычыны пажару цяпер высвятляюцца. Адной з версій з'яўляецца парушэнне правілаў эксплуатацыі электрасетак або электраабсталявання.