У мінскай Грушаўцы каля адной з кавярняў заўважылі малпу
Як відаць на відэа, што з'явілася ў тыктоку, малпа рвала і ела кветкі з вазона. Жывёліна чорнага колеру з рудымі лапкамі спрытна перасоўвалася па агароджы, піша Telegraf.news.
Аўтарка відэа спыталаcя: «Хто ўжо бачыў малпу з Грушаўкі?» і паказала саму малпачку. У каментарыях некаторыя карыстальнікі здзівіліся, што такую жывёліну можна сустрэць на вуліцы ў Мінску, іншыя параўналі яе з кажаном.
Адна з дзяўчат напісала: «Сімпатычнай яе не назавеш, морда як у кажана». Іншыя кажуць, што спачатку таксама прынялі малпу за гэту жывёліну і нават спалохаліся.
Пазней у каментарах удакладнілі, што гэта адбылося каля кавярні «Сям’я» на праспекце Дзяржынскага, 24.
Чытайце таксама:
Капуцын з парку дзікай прыроды стаў новай зоркай кітайскіх сацсетак
Памерла самая разумная малпа ў свеце, якая ведала больш за 300 слоў, гатавала і гуляла ў Minecraft