Лукашэнка пра «Беларусьфільм»: Няхай ствараюць, прадаюць і жывуць, не — да пабачэння
Аляксандр Лукашэнка падчас наведвання кінастудыі выказаўся наконт магчымасці чарговай фінансавай падтрымкі «Беларусьфільма», піша БелТА.
«Няхай ствараюць, прадаюць і жывуць. Не — да пабачэння. Колькі можна дапамагаць? Яны ж фактычна вісяць на плячах дзяржавы. А за што даваць грошы?» — адзначыў ён.
Кажучы пра вытворчасць фільмаў, Аляксандр Лукашэнка падкрэсліў: «Сучасна павінна быць. Пэўная дынаміка патрэбна».
Лукашэнку таксама праінфармавалі пра рэалізацыю тэлевізійных праектаў на плошчах «Беларусьфільма». Белтэлерадыёкампанія тут здымае шэраг папулярных перадач.