У Кіеве ў выніку атакі беспілотнікаў пашкоджаны Сафійскі сабор
У Кіеве выбуховая хваля пацягнула за сабой разбурэнне карніза на галоўнай апсідзе Сафійскага сабора, паведаміў міністр культуры Украіны Мікалай Тачыцкі.
Фота: Мікалая Тачыцкага
Таксама ўначы, як піша Тачыцкі, пацярпела Адэская кінастудыя — там пашкоджаны павільёны, складскія памяшканні, дэкарацыі і аўтатранспарт.
Акрамя гэтага, цалкам знішчаны дэкарацыі да фільма «Даўжэнка» — праекту Адэскай кінастудыі і кампаніі Odesa Film Production.
Фота: Мікалая Тачыцкага