Генштаб Украіны паведаміў, што страты Расіі перавысілі 1 мільён чалавек
Генштаб Украіны паведаміў, што страты Расіі на вайне ва Украіне перавысілі 1 мільён чалавек забітымі і параненымі за тры гады і тры з паловай месяцы.
На акупаванай Расіяй тэрыторыі Луганскай вобласці. Скрыншот з відэа
Такім чынам агульныя баявыя страты Расіі з 24.02.22 па 12.06.25 прыблізна склалі (у дужках лічбы за апошнія суткі):
асабовага складу (забітымі і параненымі) — каля 1 000 340 (+1 140) асоб,
танкаў — 10 933 (+6) адзінак
баявых браніраваных машын — 22 786 (+3) адзінак,
артылерыйскіх сістэм — 29 063 (+47) адзінак,
сродкаў СПА — 1 184 (+1) адзінак,
БПЛА аператыўна-тактычнага ўзроўню — 40 435 (+138) адзінак,
аўтамабільнай тэхнікі і аўтацыстэрнаў — 51 715 (+136) адзінак.
Тым часам расійскі праект «Горюшко», які ідэнтыфікуе забітых расійскіх салдат, зазначае, што па стане на 12 чэрвеня пайменна ідэнтыфікавана 114 тысяч загінулых.