Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА
Ізраіль ударыў па станцыі тэлевяшчання проста падчас эфіру, у якім расказвалі пра поспехі іранскай арміі.
Скрыншот з відэа
Раней сёння ЦАХАЛ загадаў жыхарам 3-га раёна Тэгерана эвакуявацца. Менавіта там месціцца сядзіба дзяржтэлерадыё.
У час эфіру дзяржТБ паказвала, якія моцныя ўдары Іран наносіць па Ізраілі.
«Рупар іранскай прапаганды і распальвання вось-вось знікне. Пачынаецца эвакуацыя навакольных жыхароў», — заявіў раней сёння міністр абароны Ізраіля.
«Усе супрацоўнікі навінавага канала ведалі пра набліжэнне атакі на студыю, аднак адмыслова адмовіліся пакідаць памяшканне і пачалі скандаваць «Алаху Акбар», — перадае дзяржТБ Ірана.
Гарыць будынак дзяржтэлебачання ў Тэгеране