Расійскі рэсурс паведаміў пра вызваленне блогера Руслана Лінніка
У кастрычніку 2024 у блогера Руслана Лінніка скончыўся прызначаны тэрмін, але яго не выпусцілі і завялі нейкую новую крымінальную справу.
Па інфармацыі SOTA, вызваленне блогера адбылося некалькі дзён таму. Ліннік застаецца ў Беларусі.
Іншых пацвярджэнняў гэтай інфармацыі няма.
Руслан Ліннік — ютуб-блогер, да лютага 2021 года яго канал меў больш за 90 тысяч падпісантаў.
20 лютага 2021 года Руслана затрымалі ў Віцебску.
У верасні 2021 года суд прызнаў Руслана Лінніка вінаватым па чатырох артыкулах, у тым ліку абраза і паклёп на Лукашэнку (арт. 367, 368), абраза прадстаўніка ўлады (арт. 369), паклёп (арт. 188).
Яго асудзілі на 4 гады калоніі агульнага рэжыму.
8 кастрычніка 2024 года, калі тэрмін зняволення скончыўся, яго не вызвалілі. Арыштавалі зноў, завялі новую крымінальную справу. Чым яна скончылася, невядома.