«Хто ты? Дзе Арына? Што ты з ёй зрабіла? Куды дзеліся бровы?» Заўзятары весела абмяркоўваюць новы лук Сабаленкі

Першы нумар сусветнага рэйтынгу Арына Сабаленка апублікавала ў інстаграме фота з Лондана ў новым вобразе з яскравым макіяжам. Там спартсменка рыхтуецца да «Уімблдона».

Фота з інстаграма Арыны Сабаленкі

Сабаленка прапанавала падпісчыкам ацаніць смелы лук. «Прессбол» сабраў некаторыя папулярныя каментары:

— Куды дзеліся яе бровы?

— Хто ты? Дзе Арына? Што ты з ёй зрабіла?

— Ваш акаўнт узламалі?

— Звольніце свайго візажыста.

— Неадкладна.

— Гэты макіяж жудасны. У цябе натуральная прыгажосць. Не псуй яе, калі ласка.

— Я цябе не пазнаў.

Пад допісам ужо пакінулі амаль 800 паведамленняў.

Жаночы турнір «Уімблдона» (адкрыты чэмпіянат Англіі па тэнісе) пройдзе з 30 чэрвеня па 12 ліпеня. Яго цяперашняй чэмпіёнкай з'яўляецца Барбара Крэйчыкава з Чэхіі. У мінулым годзе Сабаленка не ўдзельнічала ў «Уімблдоне» з-за траўмы.

Каментары да артыкула