У Аргенціне 18-гадовы футбаліст памёр падчас аперацыі на калене
Клуб «Сан-Тэльма» другога дывізіёна паведаміў, што яго 18-гадовы паўабаронца Каміла Нуін памёр 25 чэрвеня падчас аперацыі на калене.
Каміла Нуін. Фота: RFioravanti / X
Нуіну аперыравалі меніск і крыжападобныя звязкі.
Ні клуб, ні мясцовыя ўлады не назвалі канкрэтную прычыну смерці Нуіна, адзначае ESPN.
Гулец перайшоў у «Сан-Тэльма» пасля гульні ў акадэміях «Бока Хуніёрс» і «Індэпенд'ентэ».
Спачуванні ў сувязі са смерцю гульца выказала асацыяцыя футбола Аргенціны.