Сілавікі затрымалі лідара гурта «Палац» Алега Хаменку
Абставіны высвятляюцца.
Фота: Onliner.by
Затрыманы лідар беларускай групы «Палац» Алег Хаменка. Пра гэта паведаміў 30 чэрвеня журналіст Канстанцін Каверын у эфіры шоу «Обычное утро».
«З зямлі паведамляюць, што нібыта затрыманы лідар гурта «Палац» Алег Хаменка. Прычым ужо некалькі дзён таму. Што адбываецца — вельмі складана зразумець», — сказаў Каверын.
Затрыманне Хаменкі пацвердзіла «Люстэрку» крыніца, а таксама крыніцы «Нашай Нівы». Вядома, што яго затрымалі тыдзень таму.
Іншыя абставіны невядомыя.
Алег Хаменка — музыка, радыёвядучы, выкладчык, кампазітар, культуртрэгер, прадзюсар. Лідар фолк-мадэрн гурта «Палац». У складзе музычнага калектыву здымаўся ў мастацкім фільме «Анастасія Слуцкая».