Патэнцыйны супернік «Нёмана» выключаны з еўракубкаў
УЕФА прыняў рашэнне выключыць славацкую «Дунайску Стрэду» з кваліфікацыі Лігі канферэнцый-2025/26.
«На падставе ацэнкі дакументацыі, пададзеннай клубамі, першая палата органа УЕФА па фінансавым кантролі клубаў прыйшла да высновы, што венгерскі «Дзьёр» і «Дунайска Стрэда» парушылі правіла аб множным валоданні», — гаворыцца ў заяве УЕФА.
«Дунайска Стрэда» ў другім раўндзе кваліфікацыі Лігі Канферэнцый павінна была сустрэцца з пераможцам пары «Нёман» — «Урарту» (Арменія).
Пераможца пары аўтаматычна выйдзе ў трэці раўнд.