На праспекце Пушкіна ў Мінску перакуліўся аўтамабіль
ДТЗ адбылося сёння раніцай, паведамляе ДАІ.
Аўтамабіль перакуліўся паблізу дома №64.
31-гадовы кіроўца Mercedes не справіўся з кіраваннем і ўрэзаўся ў раздзяляльную агароджу. У выніку аўтамабіль перакуліўся. У ДТЗ ніхто не пацярпеў.
Рух ускладнены на праспекце Пушкіна з боку вуліцы Прытыцкага ў напрамку вуліцы Альшэўскага.
На месцы здарэння працуюць супрацоўнікі аддзела ДАІ. Абставіны высвятляюцца.